Videoklip af Tinu Turner

Nú tókst mér loksins að setja inn videoklip af Tinu Turner. En hún er með uppáhalds söngkonum sem ég hlusta á.

Tina Turner

""

Elgg.net

Elgg.net er vefur fyrir einstaklinga til að halda utan um samskiptin og er gott skipulags verkfæri fyrir þá sem vinna á eða við tölvur.
Börn yngri en 13 ára fá ekki að niðurhala Elgg forritinu í tölvuna sína. Þetta er fyrir börn 13 ára og eldri. Viðkomandi er ábyrgur fyrir því sem hann gerir "skrifar" undir hans skráningu. Ekki má nota Elgg fyrir ólöglega starfsemi.
Eftir að hafa logað sig inn hefur maður aðgang að ýmsum verkfærum.
Your profile: Um mig, er hægt að setja inn ýmsar upplýsingar um sjálfsn sig, einnig setja inn myndir. Þarna er líka, hjálpar síða, sem er með leiðbeiningum fyrir notandan.
Your Blogg: Búa til blogg greinar, skrifa blogg, einnig er hægt að sjá blogg frá öðrum.
Your Files; Búa til skrá, hægt að búa til mismunandi aðgang að skrám. Allir geta lesið greinarskrifin(publish). Svo er líka hægt að hafa það þannig að þeir sem eru innskráðir geti aðeins lesið greinarnar (blogged in). Og svo getum við líka haft þær alveg fyrir okkur, privat blogg þar sem aðeins eigandinn getur lesið greinina.
Your Network; Þarna er hægt að setja inn félög og klúbba, og eigin klúbba í "owned communities".
Your Resources; Þarna er hægt að setja inn strauma frá öðrum síður (feeds) þetta er líkt og í "del.icio.us".
Your Calendar; Er dagatal fyrir notanda Elgg og fyrir vini og félög. Einnig hægt að setja inn straum "Rss fedd" svo hægt sé að tengja það við aðrar síður sem notandin hefur aðgang að.

Uppskrift í Wikibooks

Þó að mér hafi gengið illa að setja inn grein í Wikipedia þá ákvað ég að gefast ekki upp, heldur að prufa næst Wikibooks. Þar fór ég inn í Matreiðslubók og skrifaði uppáhalds marengstertu uppskriftina mína. Ef þið setið inn slóðina
http://is.wikibooks.org/wiki/Main_Page og klikkið þar á Matreiðslubók þá opnast síða með mörgum uppskriftum. Ef klikkað er á Frönsk súkkulaðikaka og farið neðst á síðuna þar sem stendur Category: Uppskriftir þá kemur upp Flokkur: Uppskriftir og Matreiðslubók/Marengsbomba og þá birtist uppskriftin sem ég setti þar inn. Ég mæli með henni í veislur, tertuboð og sem eftirrétt því ávextirnir gera hana mjög ferska. Einnig er slóð beint á uppskriftina:
http://is.wikibooks.org/wiki/Flokkur:Uppskriftir

Í sveitinni

Ég og maðurinn minn Stefán eigum jörð vestur á Snæfellsnesi. Hér er mynd af bænum okkar en hann heitir Lækjamót og er í Eyja og Miklaholtshreppi. Þar stundum við hestamennsku og heyskap á sumrin.
Við eigum eina hryssu sem heitir Vænting og er frá Lækjamótum hún er fædd árið 2003 og eru miklar væntingar bundnar við hana. Einnig eigum við líka nokkur reiðhross sem við brúkum okkur til skemmtunnar þegar við förum um landareigninna. Lífið í sveitinni er friðsælt og nú þarf ég bara að geta verið í tölvunni minni þar og vinna verkefni fyrir námið í NKN í Kennó.

Er búin að reyna að setja inn grein í Wikipedia

Nú er ég búin að reyna að setja tvisvar sinnum inn sömu greinina í Wikipedia og greininni alltaf fleygt út af því að þetta fólk þarna segir að greinin sé ekki sett á réttan stað. Í fyrstu setti ég greinina mína sem var um, skyldleikaræktun hesta á Íslandi, inn á svæði sem heitir "Sögufrægir hestar" og þar var greininni fleygt út og sagt að fara á svæði sem heitir "Íslenskir hestar" sem ég og gerði, en þá leið ekki dagurinn að það var búið að henda greininni út aftur og sagt að hún væri ekki á réttum stað. Svo ég er búin að gefast upp í bili allavega.

Odeo hljóðkerfið

Nú er ég búin að læra að nota Odeo hljóðkerfið og búin að setja það inn á heimasíðuna mína á tveimur stöðum. Fyrst las ég tvær stuttar barnasögur og setti það inn á verkefnasíðuna mína en svo gerði ég smá kynningu fyrir börnin í vefleiðangrinum mínum til að gera hann skiljanlegri fyrir börn sem kunna ekki að lesa. Þetta er allt komið inn á heimasíðuna. Einnig gerði ég ljósmyndasögu og smá kynningu á leikskólanum mínum í MovieMaker og setti það líka inn á heimasíðuna. Svo ætla ég einnig að prófa að tengja Odeo bloggið hér á bloggið mitt það eru tvær barnasögurnar sem ég las upp úr bók síðan ég var sex ára. Bókin heitir "Má ég lesa I. Stafrófskver og lesbók handa litlum börnum. Vilbergur Júlíusson tók saman.

Er byrju á Microsoft Moviemaker

Microsoft Moviemaker er mjög spennandi kerfi að vinna með.
Moviemaker mun nýtast vel þegar leikskólakennarar eru að setja inn myndir og gera myndasögur fyrir heimasíðuna og fleiri uppákomur sem haldnar eru á leikskólum. Þarna er hægt að gera ferðir barnanna svo eftirminnilegar bara ef við erum með digitalmyndavél. Ég mæli með Microsoft Moviemaker.

UT ráðstefna í fjölbrautaskóla Snæfellinga

Þá er búin UT ráðstefnan sem haldin var í fjölbrautaskóla Snæfellinga.
Ég lagði af stað með rútu frá BSÍ kl.8.00 föstudaginn 3.mars ásamt 5 af skólafélögum mínum og öðrum sem sem ætluðu á þessa ráðstefnu. En nokkrir fóru á einkabílum. Við vorum komin til Grundarfjarðar um kl. 10.00 og þá tók Hugrún á móti okkur við fjölbrautaskólann. Hún byrjaði að fara með okkur á safn sem er í smíðum og þar fengum við góða leiðsögn um gamla muni sem tilheyrðu fólkinu sem bjó á Grundarfirði hér áður fyrr.
Eftir þessa heimsókn fórum við í grunnskólan í Grundarfirði og skoðuðum hann hátt og látt. Ekki má gleyma að Hugrún bauð okkur upp á veitinga sem voru vel þegnar. Eftir þessa heimsókn var tími til komin að fara á ráðstefnuna sjálfa og fylgjast með hvað þar færi fram. Ég byrjaði að hlusta á fyrirlestur um Menningarnet.is. Þar var fjallað um að menningarnetið sé gagnabanki hráefnis og fræðsluefnis. Og ætti að vera opið námsefni frá menningarstofnunum, listamönnum, fræðimönnum, kennurum og nemendum þannig að kennarar geti nýtt það í kennslu og til opinnar námsefnisgerðar á Netinu. Á þessum fyrirlestri var fólki skip í hópa til að ræða þessi mál og koma með hugmyndir hvernig hægt væri að standa að þessu svo vel væri. Þá voru settar fram tvær spurningar. 1) Hvað þarf til að þú viljir nota Menningarnetið?
2) Hvað efni myndirðu vilja sjá þar?
Fram kom nokkrar hugmyndir. Að efnið þyrfti að vera vel flokkað og að auðvelt yrði að finna efnið. Eins og staðan er í dag þá er mikið af efnið sett inn á lokuð kennslu umhverfi vegna slæmrar reynslu af að sjá það annarstaðar sundurliðað án þess að heimila sé getið. Einnig var bent á að líffræði og jarðfræði væri líka hluti að menningarumhverfinu.

Næsti fyrirlestur var "Íslenskunám á Netinu"
Þróuð hafa verið tvö námskeið Online 1 fyrir byrjendur og Online 2 fyrir lengra komna. Þessi námskeið er á opnu kerfi og þar af leiðani opið öllum á Netinu. Námskeiðið er fyrir útlendinga sem eru að læra íslensku og eru í grunn- og framhaldskólum. Þetta er nám fyrir nemenur um allan heim í sjálfsnámi. Hólaskóli notar til dæmis online 2 fyrir sína útlensku nemendur í skólanum. Þetta námskeið er að mestu leiti með íslenska enska orðabók og það á eftir að gera hana fyrir fleiri tungumál. Þarna eru vefleiðangrar, vefrallý, ritun og endurgjöf. Þetta var áhugavert en ekki mun þetta nýtast leikskólakennurum þar sem talað var um að þessi námskeið væru aðalega unnið fyrir framhaldsskóla.

Eftir þennar fyrirlestur var svo hlustað á þriðja fyrirlesturinn "Sveigjanleiki og einstaklingmiðun" Þarna var skólastjóri og aðstoðar skólastjóri frá Norðlingaskóla með fyrirlestur um einstaklingsmiðað nám. Talaði um að barnið setji sem markmið. Var með samlíkingu við tré sem fella laufin að vori. Þegar barnið nær markmiðinu þá tekur það niður laufið eitt af öðru þangað til þau eru öll fallin. Þarna er talað um að börnin eigi að hjálpa hvert öðru áður en það spyr kennarann. Hver vinnustund er í 70 mínútur. Allir tímar áformstímar en það væru líka valkerfi tvisvar í viku. Fyrirlesari kastaði fram spurningnni hvernig þau gætu notað upplýsingatækninna í skólastarfinu?

Í lokin fór ég á fyrirlestum sem hét "Flughestar á Sæborg"með Soffía Þorsteinsdóttir um starfið í leikskólanum.
Unnið var aðalega með endurvinnanlegt efni og sjá hvaða möguleika það gefur. Þar var samvinna við myndmenntakennara, tóllistakennara og leikskólakennara. Einnig var samstarf við kvikmyndaskóla Ísl. Þarna voru hugmyndir sóttar á Netið, farnar vettvangsferðir og allt kvikmyndað. Í lokin voru elstu börnin með sýningu í Ráðhúsinu.

Það var fræðandi og gaman að vera viðstödd á þessari UT ráðstefnu í Grundarfirði og ný reynsla sem kemur sér alltaf vel seinna meir.